Más Linne an Phoblacht, Nach Linne an Pholaitíocht?

Cuireadh ceist orm inniu: Pioc amach fadhb amháin faoin tír seo, agus pioc amach bua amháin fúithi fosta. Bhí an chéad chuid den dúshlán níos deacra (tiocfaidh mé ar ais chuige sin ar ball) ach bhí an dara chuid éasca.

Is é an bua is fearr dá bhfuil againn ná an pobal. Pobal tacaíochta. Pobal nasctha. Pobal gan bhearna róbhéasach ná gan bhac cainte, ach pobal a labhraíonn ar nós go bhfuil aithne acu ar a chéile ar feadh na mblianta. Tá an tréith sin ar cheann de na rudaí is fearr faoi na hÉireannaigh, agus bhí sé ar cheann de na rudaí a mhothaigh mé uaim, nuair a bhí cónaí orm thar lear. Continue reading “Más Linne an Phoblacht, Nach Linne an Pholaitíocht?”

Bua Búdaipeist

Caithfidh mé a bheith ionraic; ní raibh mórán eolais agam faoi Bhúdapeist sula ndearna muid an cinneadh chun saoire a chaitheamh ann leis an leath eile agus ceathrar chara Briotanach i lár Lúnasa. Chuala mé gurbh chathair álainn a bhí inti, agus fadó fadó, dhá bhaile a bhí inti, Buda ar thaobh amháin den Danóib, agus Pest ar an taobh eile. Bhí a fhios agam go raibh tréimhse ann nuair a bhí an Ostair agus an Ungáire fite fuaite lena chéile leis an Impireacht a bhí acu. Bhí a fhios agam freisin gur teanga iontach deacair a bhí ann san Ungáiris, agus in ainneoin mo bhua do theangacha, bheinn chomh caillte le haon turasóir eile sa tír. Seachas iad siúd, b’shin an méid a bhí ar eolas agam faoi Bhúdapeist. Continue reading “Bua Búdaipeist”

Árasán (Splancfhicsean)

Tic. Tic. Tic. Tic. Tic. 

Bhí clog nua na cistine, crochta taobh leis an doras, le cloisteáil sa seomra suí fosta. Beagán ar bheagán, laghdaíodh solas an lae lasmuigh, mar a d’éirigh neart an dorchais istigh. Thosaigh sé ón halla, ag sleamhnú isteach ó achan chóirnéal, go dtí nach raibh ach an bord dinnéir fágtha sa chlapsholas.

Bhí an aimsir lasmuigh meirbh, le scamaill liatha ag clúdach na spéire, gan ann ach ríocht beag gorm ó dheas. Bhí na cnoic ó dheas le fheiceáil ón bhfuinneog, ach fiú le linn an tsamhraidh, bhí cuma fhuar ar an taobh eile, i bhfad rófhada ó bheith in ann siúl chuige. Ní raibh ann ach ciúnas timpeall na háite. Ciúnas reilige. Ciúnas a chloisfeá le linn nóiméid chuimhneacháin, ar nós gur cailleadh duine.

Bhí éadaí ag triomú i gcóirnéal an tseomra suí, carn mór éadach le heaspa datha. Fobhrístí gorma, liatha, agus stocaí bána. Geansaí dúghorm. T-léine dubh. Lár Iúil a bhí ann, agus in ainneoin teas na Gréine, b’fhada an chuma a bhí air ó fhear Spáinneach. Mar sin féin, athraíodh an aimsir san oíche, ag éirí níos fuaire, níos éiginnte, níos ceomhara.

Líon sé gloine fíona dó féin. Gloine amháin. D’aimsigh sé lasaire do na coinnle beaga a cheannaigh a thuistí dó, ionas go mbeadh atmaisféar deas ann san árasán nua s’aige. Chuardaigh sé trí na seinnliostaí acústaice ar Spotify lena chur ar an gcallaire beag bán a cheannaigh sé. Chun an ciúnas a bhriseadh, le linn na hoíche ar fad.

 


Splancfhicsean: Seánra litríochta, le gearrscéil nach mbíonn níos faide ná 300-500 focal. An téarma Gaeilge do ‘flash fiction’ an Bhéarla. 

Cuairt ar an Pop Up Gaeltacht

“An bhfuilim san áit cheart?”

B’shin tús leis. Bhí mé díreach tar éis an teach tábhairne, The Abbey Tavern, a aimsiú, nuair a shiúil mé amach chuig an gairdín cúil, áit a raibh bord adhmaid, ceathrar ina suí taobh leis, agus fógra tharstu: “Pop Up Gaeltacht”. B’í mo chúigiú oíche í i gCorcaigh, agus mo chéad imeacht Ghaeilge i mo chathair nua. Continue reading “Cuairt ar an Pop Up Gaeltacht”

Ag Aistriú Abhaile

20170628_161119-EFFECTSBhíos ag súil go mór le teacht thar n-ais go hÉirinn le roinnt mí anuas. Mhothaigh mé go raibh mo chuid ama i Sasana ag teacht chun deiridh, agus go raibh sé in am dom agus do mo bhuachaill teacht abhaile chun saol nua a thosnú i gCorcaigh. Bheadh go leor ann chun ár súile a choimeád i dtreo na todhchaí, agus cúis chéiliúrtha a bheadh ann.

Cúpla lá i ndiaidh dom bogadh isteach san árasán nua, cúpla nóiméad amach ó chathair Chorcaí, táim go sona sásta, agus mé fós ag céiliúradh, ach céiliúradh ciúin atá ann. Continue reading “Ag Aistriú Abhaile”